ماهو اجمل بيت شعر

ياللي سرقت الجوهره تـوّ الانظـار
من خزنة التاجر رعى الدر والماس
ماخفت من مولاك عـلام الاسـرار
ولا أستحيت وشمت من نظرة الناس
ماتدري إنها تنقُص القـدر والكـار
وإنها شهادة من شهـادات لفـلاس
معاد ينفـع منـك رقّـاع وأعـذار
الفاس وقّع يابن الاجواد في الراس
لكن سلم لي علـى نسـل الاحـرار
اللي كلامـه نـادر مالـه أجنـاس
مايجلب إلا الولو من غب الابحـار
ولا يسوق إلا الجواهر على سـاس
تطرب لها لسماع وتحـرّك أفكـار
أهل الضماير والمشاعر والإحساس
وسمه عليها واضحٍ قـدم الابصـار
لو طمع فيها كل ضاوي وعسـاس
الحق يرجع وأهل الإنصاف حضّـار
والصدق يبقى والمياميـن مقيـاس
أقولها وإن عومست بعض الاشوار
ماهمني في الحـق لايـم وبـلاس

مشكور على القصيده